بشارة خير الى الاب المجاهد بوتفليقة

ياأمي محال يجحد من شبع من خيرك **** والجاحد حاسد يزحف على بطنو مثل الجباني
مهما نقول عليك نقصر في مدحك *** ورجال الهمة والكلمة تفسر لمعاني
ورجال واقفة فيهم حب وطنك *** كي نشوفهم يتزعزع قلبي دخلاني
أشبال وأسود على يمينك ويسارك *** حماة الجمهورية والوطن حبهم زهاني
كي نشوف صفوفهم لحمي يشوك *** نتفكر جدي و والدي ونتفكر عدياني
ورجال سارو على دربهم يسيرو على نهجك *** سواعدهم مثل الجبال والقسم ايمان حقاني
أمهم يسموها الجزائر تسقات من عرقك *** ومن دماء مثل البحور مقوافل الشجعاني
أشبال الأمس ألي خاضت كل لمعارك *** وجابت الحرية واصبح شعبها هاني
أشبال آمس هم أسود اليوم زيدها في علمك *** حطمت الحلف الأطلسي بالكسرة اليابسة وبارود عرباني
واعترف وقر بيهم واقرى يا مبارك *** وقال ذا النوع مالأسود محال شافتهم عياني
ولليوم مازال الزعما ء تشيد وتشارك *** جابت الرحمة والوئام تبري في أحزاني
وكونت رجال تزهى بيهم دارك *** أولادك مثل الورد الزاهي في بستاني
{ الجزائر } ياوليدي , رجال هم *** * تاريخ بلادك * *** ولي نكرو وما حبها علمو بهتاني
مازهد ما ذاق ايمان من علم حروفك *** وما حمد نعمة الله وجودو الرحماني
هاذي هي بلادي وهاذي هي حكاية ولدك *** ألي جاب عليك ذا النظام حبو حقاني
ومهما نقول عليك نقصر في مدحك *** ورجال الهمة والكلمة تفسر تمعاني
خذينا عهد معاك ويمين مشبك *** الصلح والوئام واجتهادك شرع وامامة ثاني
رجال بلادي مأصلة دينها مزكي ومبارك *** وبصمتها وخبرها شايع بين البلداني
رجال بلادي مدارس لكل لمعارك *** ومن أرضها دايات وأمراء وشيوخ قهرت عدياني
من كل وهبة خلق ربي رجالي بلا شك *** فكو محان العروبة والوطن وهبت للخير تنادي
يا أرض الشهامة والوفاء وأنتي يا كلك *** ملاحم مقدسة فالتاريخ زادت في شاني
ياما هبت جحافل الشجعان وخاضت لمعراك *** ورسمت فالأرض بصمتها والفهري شاهد أعياني
ومنها الفاتح المجيد نوفمبر المبارك *** ودوى صوتو بالبارود فالكون يلالي
ورسمت على جبين الرجال بالموت الهالك *** وعاشو ماعاشت الجزائر حرة ياحناني
ورفعو همت الوطن ولي سميتها أمك *** وقالو فداك يا أمنا ما يصيبك قهر ولا تصيبك احزاني
ومهما نقول عليك نقصر في مدحك *** وأهل الهمة والكلمة تفسر تمعاني
وياما سمعنا حديث وكلام مشوك *** ويقولو ما كاين عز ماكاين ألي راه هاني
وذا طامع وذا يعيد في حديث مشكك *** فالرجال الواقفة يطعن فيهم ثاني
هذا حديث الناقصين قوم وشمرعلى ذراعك *** الرزق مقسوم ومحتوم بميزان رباني
يابن الجزاير محال تسمح للي يغرك *** على أمك دمك من دمها ولباك محليبها داني
محال تشق بحور وهي على شطك *** وتتحمل وتبدل عزها بذل عدياني
وقولو عالبهجة وولادنا اللهم بارك *** واطلبو الله ينزل علينا الهدياني
وقولو على بلادنا وولادنا اللهم سترك *** يعم علينا خيرنا والرحمة
أحنا ولاد الجزاير وقسمنا ما فيه شك *** وعاهدنا نوفمبر بالقسم والعلم بلون وطاني
الله الله ياربي غيثنا برحمتك *** واحفظ لينا وطننا وديننا هو سلطاني
وانصر ياربي عبد العزيز كيما نصرت أنبيائك *** وقويه يا مولانا وصلحلوا بطانة الخلاني
وقدرو يا رحمان والقدرة من عندك *** بامامة عمر وعالأمانة هذا الشيباني
دعوة الرايس مقبولة وحكامها في كتابك *** ولي يخرج من طاعتة لالو شفاعة عند طاه المداني
وقلت أحنا ولاد الجزاير ويميننا راه مشبك *** وخذينا القسم مالدين والشرع الرباني
هذا حكم الشرع يا لغافل وصي بيها ولادك *** ماني نكار ولا جاحد ولا حزبي ولا علماني
طاعة علينا واجبة حكمو من حكمك *** والبيعة مالحق ماني مامسيح ولا نصراني
تخلقت على الفطرة وديني من دينك *** ولي شب على شيء شاب عليه هذا برهاني
قام بيها يوم نوفمبر جدي وجدك *** وقامت علاماء وشيوخنا هم ركيزة بنياني
ماني طامع في حد والطمعة في ربك *** وكلامي مالقلب وحب الجزاير هو لي خلاني
نتكلم ونقول باه يصفى بيها فهمك *** هاذي أرضي وعرضي وارض جدودي ماني براني
ونقول ماني طامع في رزق الناس ولا رزقك ** ماني لاهف عالدنيا وزخارفها شاعلة نيراني
********يتبع --------------------------------------------------------------------

تختار الموضوع بعفوية ثائرة في الغبار و خلف الرمال أنت تزحف إلى الخلف و تنعم بالحلم تحتمي خلف طل الزعامة و تتمنى لو كان لك زعيم تطريه و قائد تهذيه ...