عنوان القصيدة الشده فالله

بسم الله الرحمن الرحيم
عنوان القصيدة ( الشـده فالله )
المضمون):قصيدة من الشعر البدوي باللهجة الجزائرية الى كل العقول الحيارى والمسمومة.من طرف
الساكتين على الحق.وجعلوا من الاسلام والسلاح حجة.لنيل الدنيا وجحود للدين ونكرانا لوصايا الرسول

الشده فالله يا فاهم معناها *** من غيرك محال سبحانك يا الله
الشـــــــده فالله وصايا لمن يقراها *** فالكتب معرفه وتــفسيرهــا يا محلاه
فيها ذكر الكون والسماء وغطاها *** وزيــــادة فالـــعلم بعثو مع هــــــــداه
وبعث خير الخلق يفسرلنا معناها *** خير الهدى(محمد)يوم الشفاعه نرجاه
وقال فالكتب كم من قوم فـــــناها *** فالقصص السابقة والبــاقية تــــــــرجاه
جــــانا رحمه وجاب للأمة دواها *** والسنه تــفسير للــكتاب علم نزل معاه
وقال فالحديث عالدنيا وماخلاها *** قايمه فالدهروالكون متـــغطي بسا ماه
لولا حفظ الله مقتنا عربها وعجماها *** بـعــدما صارو كلهم يتحدثو بسماه
وحرفواللي نزلها مولاها *** وأصبح كل من ذا يغني بغناه
وبعثلنا القرآن والرسول معاها *** وتعهد بحفظ الكتاب والسنه مع بعضاه
الشدة فالله يا فاهم معناها *** من غيرك محال سبحانك يا الله
يا القانط من رحمتووما لقيت دواها *** أرواح نفكرك فالشرع
كاين راجل ساكن الصحراء وعتاها *** في أرض الغفار أتسمات بسماه
قبيلة غفار.والربدة لامن مشاها *** فيها راجل عرف التوحيد ثم عرف الله
قبل لا يعرف محمد ولاأهلووكناها *** وكي سمع بيه قال نمشي نلقاه
لقاه في مكة أم القرى يا محلاها *** وعرف منو الحق الاسلام ومبغاه
هاجت نفسو وقام للقوم أتحداها *** قبل لا يكون عمر ولا راجل قادر كان معاه
هالو عليه القوم وعزروه حذاها *** رجال ونساء بعصيهم هذا الكفرعلاه
وما فكو غير العباس وهداها *** ذا القوم قريش أتجملت على عبد الله
وقالو الرسول سير لقومك وحماها *** ما ريت كلمة صادقه مثلك ولا من صفاه
ومن بعد سنين قام للأمة بنيانها *** وهاجرت خلق كثيرفي( طيبه )تلقاه
جاء ذا الراجل وأقوام مثلوهداها *** وسارو للمدينة لرسول الله يتصافحو معاه
تبسم رسول الله لكلامو وفهم معناها *** وقالو نوصيك على شيء راك تلقاه
قال أبا'ذر'يالحبيب أنت للأمة دواها *** قول نسمع منك الوحي الحق مزكاه
(قال أسمع وأطع) الجنة تلراها *** وماترفع سيفك ولا تقول علاه
أصبر عالحق والكوثر تروى من ويدانها *** تلقاني عالحوض وبيدي تروى من ماه
الشدة فالله يا فاهم معناها *** ومن غيرك محال سبحانك ياالله
قال نعاهدك يا رسول الله ويشهد مولاها *** ما نسل الهندامي والسلطان مانتحداه
او وصاه اذا قام للقوم أدناها *** وترأس ما يعصيه ولا يقرب منمبناه
وقام للقوم رايس أسود وداها *** وسلب مالو ولا قام عزرو بعصاه
وقال (النبي)تجيك المنيه في أرض وخلاها *** وبشرو يبعث وحدو ولامن يحشر معاه
الشدة فالله يا فاهم معناها *** من غيرك محال سبحانك يا الله
وينكم يا رجال وتقولو فهمناها *** وين خليتو ذا العلم وين تركتو معناه
منين جبتو ذا العلم ألي سموموشفناها *** واش من عالم زكى ذا السم واستحلاه
واش من( نابي ) ولا صحابي جابلنا فتواها *** وقال ( دم ) المسلم حلال والمال سباه
واش من عالم في أرضو حللها *** وجاب البرهان معاه ولامن تحداه
هاذي فتنة شر والشعب جروه معاها *** ما عرف حق ولا باطل والامام سكت علاه
وينكم يا علاماء ودعاة أتخاف من مولاها *** ويجهر بالحق والعلم والتفسير قراه
ويبين ضر الكلمة والفتوى وصحابها *** ويهدم هذا الباطل والزور ومن قراه
ويفهم الشباب ألي الكذب عماها *** وقالو الجبل فيه الجنة وسلسبيل رويناه
وقام الجهاد في خاوتو أعوذ بالله *** ويـــقتــــل فالشــعب ورزقهم ســــــباه
وقالولهم حلال الشيخ فالبيان طواها *** تقول عليه نبي ولا صحبي لامن يتحداه
ولا رسالة رسول خلفها وأحكامها *** ولا رسول بعد (محمد) نزلو وعليه وحاه
ويقاتل في خاوتو والتكبير دواها *** ويـــــقول لاالــه الا ذا الـبهـــت عـــلاه
حليل الأمي الي ما قرا مافهم معناها *** وما تـــقــنـــد ز عــنــد الشيوخ وللواح معاه
ما عرف سماق ولا أقلام القصبه ومضاها *** ما سمع ما طاع ولا شاف طالب وعصاه
واليوم العلم وصل للدنيا وغطاها *** في كل شبر ماللأرض الآلة بالعين تراه
منين جاء ذا الشر للأمة وعماها *** ياك لكتاب والسنة موجودة
والله غير راني نتعجب فالساكتوخلاها *** نيران شاعلة بين خاوتو وهو صاد وراه
قولولهم على زيد الي الجنة خذا بشراها *** وعاتبو(' طه الأمين' النابي' رسول الله ')
وقال واش عملت مع الجيوش ألي' داها ' *** أمرو عليها بوبكروعلي وعمر معاه
قال قتلت راجل بعد ما حرابو رماها *** بعد ما خاف قالها والكل سمعناه
قال' المصطفى' قتلت نفس' بلا'حق هو خالقها *** واش يعدل ميزان( لا'اله' الا'الله')
أربع شهور وهو يقلب في يدو على قفاها *** يآزيدماذا تعمل اذا الراجل ربي زكاه
أبكى زيد قال ياريت ذا القوم ما خلقت معاها *** ولا شفت راية ولا تلاقيت معاه
هذا صاحب الوحي ومن عند الله يقراها *** وما عرف النفس اذا مقبوله عند مولاه
واش تعمل انت يآلي ذا الأمة تعرفها *** أمة مؤمنة والاسلام من بكري قبلناه
واش عملت مع شيوخ وعجابز لاحيله معاها *** واش تقول عند الميزان والله آمر بقضاه
والنساء آلي فقرتها والصبية في بطونها *** وهي تقول لااله الا الله محمد رسول الله
عدمت قلبي والشيطان يهمز وما وساها *** يا لطيف منك محال تكون مسلم والرب هداه
هاذي فعال اليهود والكفار آلي الله خزاها *** يخلفو فالثأر ملأمة لي تبعت رسول الله
قرينا فالكتب وسمعنا على الأمة وما جرالها *** مجازر العراق المسيح والنصارى بكاو معاه
يوم جاء المغول الدنيا أطحنها ورحاها *** ما خل عابد ولا عالم لارحمة جات معاه
وقعدنا لذا النهار الدموع تجري ويدانها *** كي نتفكرو هولها الجرح يزيد دماه
الشدة فالله يا العارف معناها *** منغيرك محال سبحانك ياالله
وكي تشوف القدس تبكي على سماها *** وتقول بلاد الحرم الأول وهكذا عرفناه
ربي آمر بالجهاد في أرضها وكنافها *** وتقول لو كنت واصل خوت ثم نموت معاه
آمر الله فالأرض تفرش من ثراها *** الشهادة في وطانو رسول الله زكاه
وين يكون شهيد الوطن فالدنيا تمناها *** على حدود أرضو والعرض بنفسو ضحاه
وابن الجزائر يقول يا ريت ذا الصفوف راني امامها *** يشوف الصهيوني رجال نوفمبرووليدوآلي خلاه
لاكن يا هيهآت وياريت ذا الهمة وفاها *** ورينا كرهوعلى خاوتو وأصبحنا أحنا عداه
وضحك علينا اليهودوالكفار معاها *** وقالو صلاح الدين مات وخلف صبيات حذاه
من ذا الكلمة آلي مالقيت دواها *** لا أصبحو العرب الخاوه كل من ذا يلقا بلقاه
سبحان الله العربية نزلت وحي ومنوا قريناها *** لاصبحنا ما نفهموش حروفها ولحديث ومعناه
ووصاية الرسول بالعهد أخذيناها *** ستة وثلاثين حديث عالآمامة وصاه
أسمع وأطع الله والنبي الوحي صفاها *** واولي الأمر من طاعتو ذا الهدي ألي خلاه
الشده فالله يالفاهم (الصبر) هومعناها *** من غيرك محال سبحانك يا الله
ذا الشاعر يا سامعين قصيدتة بالعلم رواها *** وقال ذا النضام ليه لامن وراه
قرا المـــتون والتفسير بالحديث طباعها *** علما صافي مالجمهوروالسيره وفهم معناه
وختام القول يرجى للأمة مــــــــولاها *** يلم شملها وينزل علينا هداه
ويهدي أولادنا والجزائر بالرحمه غطاها *** ويعم علينا الأمن والأمان آلي نرجاه
الجزائر أمنا ياربي أحميها من عديانها *** مع هذا الشاعر والحساد مارحموه محسب مولاه
وخيار القول يالفاهم لادونها لا حذاها *** كلنا 'مسلمين' و( لااله الا الله محمد رسول الله
الشاعـــــر/ الملقب بالنسب
ابن الفصيح الادريسي الهجرسي
*** كلمة الناقد ***
اعتبرها الاريج البها ر المتصدي لأهل السموم والفجار
[

أرجو من القراء الكرام وزائري منتدى سيدي هجرس العفو منهم على طول القصائد وذلك ولكوني صاحب
دواوين فوالله انني كلما حاولت ان أقصر فلم أفلح ولم أجيد غير ذلك ولعلم القراء الكرام ان هذا (سر) بيني وبين
موهبة رايتها في الرؤى مع شيخنا رحمه الله محمد بن علي بن ابي زيد المكنى (سيدي هجرس )

بارك الله فيك

والله يوفقك

سيدي الشاعر أظن أنك منفجر إلى أبعد حد و لو كان بجانبك سامع للطمته من شدة الغزارة و العنف اللفظ فأنت ثائر دون ثورة ومنفعل دون سبب شكرا على جهدك

يا سيدي " لو أن الكنه للمواضيع كان على المقاييس والاستنباط لكنا خير خلف لخير سلف .لكن الجزائري الحر والذي لايقلد
الاصوات ولا المفاهيم المستوردة هو الذي استنبط حاله وقناعته من التجربة والعلم الصحيح لأن الابن صنو أبيه ولست من
دعاة الدنيا ولا ركب القصور ولا الغرور ولا وءد الحق في دنيا القبور . فانا الجزائري ابن جزائريته أعيش على السمع و -
الطاعة ولست بمقام أبي ذر الغفاري ولا أسامة وهمو أهل الجنة ويمشون على الأرض .ومن كان مستنا فاليستن بمن قد مات
والله على ما نقول شهيد وأسأله الدر عني بالمزيد ويثبتني على الحق الى يوم الوعيد-انتهى-